.
krokodilo                                 verda krokodilo

Ni vespermanĝas

60-a BARO 2019 okazos:
29-a de majo ĝis 2-a de junio 2019
(merkredo posttagmeze ĝis dimanĉo). Inkluzive la festotago Ĉieliro, ĵaŭdo, la 30-a de majo 2019. En la bona ejo en Hameln (bildo) .

La fama ratkaptista  urbo Hameln  situas apud Hannover , Germanio. La ideo de la BARO estas amuziĝi dum plilongigata semajnfino sen fiksita programo. Ni povas senstreĉiĝi, promenante ĝui la freŝan aeron, komune kuiri, simple babilante ĝui la etoson aŭ ludi. Dum la tago ekzemple badmintonon kaj la Indiaka-ludon (DE)  sur la herbejo, kaj vespere kartludojn , tabulludojn , sagetludon, divenludojn ktp. Se vi volas ludi tablotenison, prefere kunportu batilojn kaj pilkojn. Nia ejo situas sur monto ĉe la rando de Hameln kiu nomiĝas Klüt (258m super marnivelo) (DE) , tuj apude estas grimpejo kaj en piedira distanco la rigardturo Klütturm kaj naĝejo.
Retpaĝo kun informoj pri la ĉirkaŭaĵo kaj la historio de nia ejo(DE) .

Se estas dezirantoj, ni volonte helpas vin praktiki la lingvon kaj respondos lingvajn demandojn. Ankaŭ lingvokurso eblas laŭ interkonsento. Sed tiukaze necesas ke vi (!) kaptas homojn por ke ili helpu vin – ne atendu ke kurso aperas, ni ne havas fiksitan programon.

La renkontiĝo taŭgas por ĉiuj, sed precipe por:

  • junuloj (oni povas ludi, kanti, diboĉi dum la tuta nokto sen ĝeni iun)
  • familioj kun infanoj, ĉar la dormĉambroj kaj aliaj ĉambroj estas disaj
  • paroj, kie unu partnero ne parolas Esperanton – laŭ deziro ni okazigos kurson
  • eksterlandanoj. Preskaŭ ĉiuj plenkreskuloj tre flue parolas Esperanton, vi facile malkrokodiligas ilin.
  • „falsaj“ eksterlandanoj, do negermanoj, kiuj jam delonge vivas en Germanio kaj povas aligatori. Se tute ne venas „veraj“ eksterlandanoj ni ofte krokodilas, alikaze preskaŭ nur kun la neesperantaj partneroj.
  • mojosaj homoj de ajna aĝo, kiuj sentas sin junaj, volas babili, estas ludemaj ktp.
  • homoj kiuj ne volas fiksitan programon. Ni ankaŭ ne havas „gravajn anoncojn“ :-) .
Ni ludas Funkenschlag (2015)

Dum la pasintaj jaroj „hazarde“ pli kaj pli da familioj kun junaj infanoj venas al la BARO. La loko tre taŭgas por tio. Sed ankaŭ el la aliaj kategorioj venas partoprenantoj, la infanoj de la malnova tempo estas nun adoleskuloj :-) .

Ni unufoje tage kuiras komunan vegetaran vespermanĝon, ofte ankaŭ nevegetaran aldonon. De mateno ĝis tagmezo konstante iuj matenmanĝas kaj ĉiam ajn ni laŭ spontana malsato revarmigas la abundajn restaĵojn de la pasinta vespermanĝo.

La BARO funkcias tiel: vi ne venas kaj lasas vin servi, sed ĉiu transprenas taskon kiel ekz. helpi en la kuirejo, ordigi, purigi ktp. Tial la kotizo povas resti pagebla kaj ni organizantoj devas nek tro multe organizi nek laboregi. Dankon al ĉiuj partoprenantoj, kiuj memstare helpas kaj tiamaniere tre bone zorgas pri la etoso de la renkontiĝo.

Galina kun fotilo

Kotizo por plenkreskuloj kaj infanoj: po 15 € por nokto. Beboj kaj dumtagaj vizitantoj laŭ interkonsento. La kotizo inkluzivas komunajn manĝojn, teon, kafon kaj dormlokon en lito. Kutimajn trinkaĵojn (suko, akvo, biero) ni komune aĉetas, malmultekoste vendas kaj finkalkulas ilin laŭ strekolisto.
Sekigtukojn necesas kunporti. Litokovriloj kaj kusenoj estas surloke. Kunportu viajn proprajn litotolaĵojn aŭ antaŭmendu kaj krompagu surloke 5 € por lui ilin. Propran dormsakon vi rajtas uzi, sed nur kun litotuko sube. Aliĝu por esti certa ke vi havos liton. Prefere retpoŝte, sed ankaŭ telefone eblas. Feliĉe ni havas aron da regulaj partoprenantoj, kiuj promesas reveni la venontan fojon.
Vi povos la unuan tagon alveni ekde la 17-a horo.

Geografiaj koordinatoj por via navigilo (GPS): +52.097, +9.31212 aŭ 52.097°N 9.31212°E Google mapoj .

Vojo al la BARO per aŭto de la stacidomo al la ejo 

Vojo al la BARO (se vi venas per trajno): Veturu al Hameln. De la stacidomo vi povas promeni dum proksimume unu horo al la ejo laŭ jenaj vojoj . Dum la dua duono la promenado estas sufiĉe supren! Se vi altelefonas ni povas preni vin per aŭto. Taksio kostas proksimume 19 €.

Adreso de la ejo: Jugendgästehaus Finkenborn , Am Finkenborn, 31787 Hameln, Germanio Telefonnumero de la ejo, nur dum la BARO: +49-(0)5151-61220
Prefere altelefonu ĝin, ĉar en la BARO-ejo poŝtelefonaj retoj apenaŭ funkcias.
Telekom D1 funkcietas, la aliaj malpli bone, pli-malpli nur ekstere.

Kontaktadreso de la organizanto: Andi Münchow, Oberstraße 15, 30167 Hannover, Germanio
Retpoŝto: andim@gmx.li.
Antaŭ la BARO, eble ankaŭ dum la BARO, se ne funkcias, uzu la telefonnumeron de la ejo:
+49-(0)511-7000011 fiksreta numero de Andi, plugvidata al poŝtelefono, ekde tagmeze.
+49-(0)1577-4273240 poŝtelefono de Andi, ekde tagmeze, reto: Aldi O2.

Bonvenon!


Via organizantoj: Ĉiuj kiuj diligente kuiras, ŝoforas, aĉetas, purigas, kunportas ktp. kaj Andi (organizanto pri kotizoj kaj la retpaĝo)










Por via longtempa planado:

61-a BARO 2020:
20-a ĝis 24-a de majo 2020 (merkredo posttagmeze ĝis dimanĉo posttagmeze).
Ĝi inkluzivos la festotagon Ĉieliro, kiu estos ĵaŭdo, la 21-a de majo 2020.
Ni jam rezervis la domon en Hameln.

62-a BARO 2021:
12-a ĝis 16-a de majo 2021 (merkredo posttagmeze ĝis dimanĉo posttagmeze).
Ĝi inkluzivos la festotagon Ĉieliro, kiu estos ĵaŭdo, la 13-a de majo 2021.
Ni jam rezervis la domon en Hameln.

63-a BARO 2022:
25-a ĝis 29-a de majo 2022 (merkredo posttagmeze ĝis dimanĉo posttagmeze).
Ĝi inkluzivos la festotagon Ĉieliro, kiu estos ĵaŭdo, la 26-a de majo 2022.
Ni jam rezervis la domon en Hameln.

64-a BARO 2023:
Planita 17-a de majo ĝis 21-a de majo 2023 (merkredo posttagmeze ĝis dimanĉo posttagmeze).
Ĝi inkluzivos la festotagon Ĉieliro, kiu estos ĵaŭdo, la 18-a de majo 2023.

Moviĝantaj festotagoj en Germanio  (germanlingve)

Eterna kalendaro  (germanlingve)

Lernejaj ferioj en Germanio, ofte antaŭ kaj post festotagoj  (germanlingve)

Tiu ĉi paĝo: www.krokodilo.de/baro/baro.php,

pasinta aktualigo: 3-a de septembro 2018