KoKoLoRES – LA renkontiĝo por ludemuloj!

Kafoklaĉo Kaj Ludoj dum REnkontiĝo Semajnfina

23-a KoKoLoRES: 2-a de oktobro (merkredo) ĝis 6-a de oktobro 2024 (dimanĉo). La 3-a de oktobro (ĵaŭdo) estas la nacia festotago de Germanio.
Ĝi okazos 2024 en Altena (Westfalen), ĉar la kutima ejo en Schwerte pro fajroprotektaj reguloj estas fermita ĉijare.
Altena situas proksimume 30 km sude de Schwerte kaj 25 km sudoriente de Hagen kaj havas stacidomon laŭ la fervojlinio Hagen - Siegen.

Se vi ŝatas ludi, babili, renkonti homojn kaj viziti la regionon Sauerland , venu al la KoKoLoRES en Altena (Westfalen) , Germanio.

Kompreneble ni havos multajn ludojn, kafon, kukon & klaĉon. Ĉu vi havas ludojn, muzikon, (lum)bildojn ktp, kiujn vi ŝatas prezenti? Ne hezitu kunporti ilin!

Ni loĝos en domo de la domo „Springer Höhe“ de la naturamika asocio Altena, In der Husstadt 4, 58762 Altena (urboparto Evingsen). En la domo ni disponos pri du diversgrandaj salonoj, bone ekipita kuirejo, teraso/balkono kaj diversgrandaj dormĉambroj. Detalojn pri la domo vi trovas ĉe https://www.naturfreunde.de/haus/naturfreundehaus-springer-hoehe .

Proksime troviĝas bela arbaro, en kiu oni laŭplaĉe povas sekvi diverslongajn promen- kaj migradvojojn.

Kiel kutime ni komune kuiros, tre multe ludos kaj ekskursos al interesa loko, kutime je sabato.

Adreso de la ejo:

Naturfreundehaus „Springer Höhe“
In der Husstadt 4
58762 Altena (urboparto Evingsen)
Germanio.
Geografiaj koordinatoj por via navigilo (GPS):
+51.3024, +7.734 aŭ
51.3024°N  7.734°E aŭ.
Ĉe Google mapoj 

Aliĝo:

Vian aliĝon kun la kutimaj informoj sendu al:
Petra Dückershoff,
retpoŝto (NE por pagi!):
petra.dueckershoff@esperanto.de

Poŝtelefono de Petra, ankaŭ dum la renkontiĝo:
+49-(0)151-14438074.
Post via aliĝo vi ricevos ligilon al nia Telegram-grupo.

Kiom kaj kiel pagi?

• Tuttempaj partoprenantoj pagas 105 €. Tio inkluzivas manĝojn.
• Gastoj kiuj ne tranoktas pagu po 8 € por unuopa tago.
• Kafo kaj teo estas inkluzivaj, aliajn trinkaĵojn ni finkalkulas laŭ strekolisto.
• La kotizon pagu per PayPal al speciala adreso kiun vi ricevos post via aliĝo. Aŭ surloke.

Kion kunporti?

• Bv. kunporti propran litotukaron aŭ luprenu ilin kontraŭ pago de 8,50 €.
• Ne forgesu ban-/duŝ-/sekig-/viŝtukojn.
• Ludojn! Antaŭ la renkontiĝo estos listo, kiu eventuale helpas decidi kiujn lasi hejme.
  (La ligilo estos sendota al ĉiuj aliĝintoj)
• Bonajn ŝuojn por la promeno ekz. al la kastelo „Burg Altena“.

Kiam kaj kiel alveni?

• Alveno je merkredo, la 2-a de oktobro 2024, ekde la 17-a horo. Ni restos ĝis frua posttagmezo de dimanĉo, la 6-a de oktobro 2024.
• Per trajno veturu al „Altena (Westf)“. Iru piede 500 m al la busa stacidomo „Am Markaner ZOB, 58762 Altena“.
• Surlokaj busoj: Enmetu en la serĉilon de publikaj transportiloj en la regiono, https://westfalenfahrplan.de la jenajn adresojn
  Altena Bahnhof
  In der Husstadt 4, 58762 Altena
  Ĝi montras kiel veturi al la plej proksimaj bushaltejoj (ambaŭ 400 m) „Lampferweg, Altena“ kaj „Up dem Hecking, Altena“. (Ne miru: la haltejo inter ili, Wulferschlaa, NE taŭgas, ĉar de ĝi mankas piedira vojo al la ejo.) Por atingi tiujn plej proksimajn haltejojn vi devas unu- aŭ dufoje ŝanĝi buson.
  Eble pli taŭgas sen busŝanĝo veturi al la haltejo
  Evingsen Springer Straße, Altena
  kun 900 m da piedira vojo al la ejo.
• Kaze ke la buskonekto malbonas aŭ daŭras tre longe, ni trovos solvon post interkonsento venigi vin per aŭto de la stacidomo.


• Per aŭto veturu sur la A 45 ĝis la elirejo „Lüdenscheid/Altena“, daŭrigu en la direkto „Evingsen“. Komence de tiu urboparto de Altena estas indikilo al la naturamika domo (Naturfreundehaus).


• Per aviadilo la plej proksima vera flughaveno estas Dortmund (= Holzwickede), taŭgas ankaŭ Düsseldorf, Weeze kaj Köln-Bonn. Se vi havas propran, sufiĉe malpezan aviadilon, provu la flughavenon Altena-Hegenscheid, ICAO-kodo: EDKD.

Por via longtempa planado:

24-a KoKoLoRES 2025
Planita: fine de septembro ĝis komence de oktobro 2025, inkluzive la 3-a de oktobro (vendredo) kiu estas la nacia festotago de Germanio.
Se la ejo liberos, ni subskribos kontrakton kun la ejo en printempo 2025.

25-a KoKoLoRES 2026
Planita: fine de septembro ĝis komence de oktobro 2026, inkluzive la 3-a de oktobro (sabato) kiu estas la nacia festotago de Germanio.
Se la ejo liberos, ni subskribos kontrakton kun la ejo en printempo 2026.

26-a KoKoLoRES 2027
Planita: fine de septembro ĝis komence de oktobro 2027, inkluzive la 3-a de oktobro (dimanĉo) kiu estas la nacia festotago de Germanio.
Se la ejo liberos, ni subskribos kontrakton kun la ejo en printempo 2027.

Tiu ĉi paĝo: www.krokodilo.de/kokolores/kokolores.php

Pasinta aktualigo: 8-a de septembro 2024